Soundscape कसे काम करते

Soundscape तुमच्याभोवतीच्या जगाचे वर्णन आवाजाने करते. प्रत्येक ठिकाण ज्या दिशेला आहे त्याच दिशेने ते ऐकू येते. त्यामुळे गोष्टी काय आहेत हेच नाही, तर त्या कुठे आहेत हेही तुम्हाला कळते.

स्वयंचलित ध्वनी सूचना

तुम्ही चालत असताना Soundscape जवळचे रस्ते, चौक आणि ठिकाणे सांगते. तुम्हाला काहीही करावे लागत नाही. स्वयंचलित ध्वनी सूचना हे मदत पान पहा.

स्थान आणि एक्सप्लोरेशन बटणे

मुख्य स्क्रीनच्या तळाशी असलेली चार बटणे तुम्ही सांगाल तेव्हा तुमच्या परिसराचे वर्णन करतात. ती आहेत माझे स्थान, माझ्याभोवती, माझ्यापुढे आणि जवळचे मार्कर.

ऑडिओ बीकन

ऑडिओ बीकन म्हणजे तुम्ही निवडलेल्या ठिकाणाच्या दिशेने येणारा आवाज. ठिकाण कुठे आहे हे तो दाखवतो, आणि तिथे कसे जायचे हे तुम्ही ठरवता. ऑडिओ बीकन हे मदत पान पहा.

तुमचे तोंड कोणत्या दिशेला आहे

तुम्ही चालत असताना Soundscape तुमच्या प्रवासाची दिशा वापरते. त्यामुळे फोन खिशात किंवा बॅगेत राहू शकतो. तुम्ही एका जागी उभे असताना, फोनचे वरचे टोक तुमचे तोंड ज्या दिशेला आहे तिकडे करा. तेव्हा Soundscape तुमचा फोन होकायंत्रासारखा वापरते. फोन लॉक असेल, किंवा Soundscape स्क्रीनवर नसेल, तर फोन सपाटही धरा.

हेडफोन

स्टीरिओ हेडफोनमुळे दिशेची सर्वात स्पष्ट जाणीव होते. Soundscape तुमच्या फोनच्या स्पीकरमधूनही काम करते.

मार्गदर्शित ट्युटोरियल

मुख्य वैशिष्ट्ये टप्प्याटप्प्याने वापरून पाहण्यासाठी मेनू उघडा आणि मार्गदर्शित ट्युटोरियल निवडा.