Yadda Soundscape Yake Aiki

Soundscape yana bayyana duniyar da ke kewaye da ku da sauti. Kuna jin kowane wuri daga ɓangaren da yake. Ta haka kuna sanin inda abubuwa suke, ba kawai abin da suke ba.

Sanarwowi Kai Tsaye

Yayin da kuke tafiya, Soundscape yana sanar da tituna, mahaɗun hanyoyi da wuraren da ke kusa da ku. Ba kwa buƙatar yin komai. Duba shafin taimako Sanarwowi Kai Tsaye.

Maɓallan Wuri da Bincike

Maɓallai huɗu da ke ƙasan babban allo suna bayyana abin da ke kewaye da ku duk lokacin da kuka nema. Su ne Wurina, Kewaye da Ni, Gaba da Ni da Alamomi na Kusa.

Siginar Sauti

Siginar sauti sauti ce da ke fitowa daga ɓangaren wurin da kuka zaɓa. Tana nuna muku inda wurin yake, ku kuma ku yanke shawarar yadda za ku isa can. Duba shafin taimako Siginar Sauti.

Inda Kuke Fuskanta

Yayin da kuke tafiya, Soundscape yana amfani da alkiblar tafiyarku. Don haka wayarku za ta iya zama a cikin aljihu ko jaka. Idan kuna tsaye a wuri ɗaya, ku nuna saman wayar zuwa inda kuke fuskanta. Sai Soundscape ya yi amfani da wayarku a matsayin kamfas. Idan wayarku a kulle take, ko Soundscape ba ya kan allo, ku kuma riƙe wayar a kwance.

Belun Kunne

Belun kunne na sitiriyo sun fi ba da fahimtar alkibla a fili. Soundscape yana kuma aiki ta lasifikar wayarku.

Jagorar Koyarwa

Don gwada manyan fasaloli mataki-mataki, ku buɗe menu sannan ku zaɓi Jagorar Koyarwa.